Стадион АРМ

НАВИСТИНА Е ВРЕМЕ ЗА ГОЛЕМ КОНЦЕРТ НА БУЧ КЕСИДИ ВО СКОПЈЕ!
5 - ТИ ЈУЛИ
СТАДИОН НА АРМ
Драги наши,
Со задоволство ви го најавуваме првиот голем “open air” соло концерт на реално најголемиот регионален млад бенд, Буч Кесиди во Македонија, на 5ти јули на Стадион на АРМ, Скопје !
После распродадените концерти на Ташмајдан во Белград, Шалата во Загреб, Спенс во Нови Сад и 7 последователни концерти во Сакс во Загреб, со кои го потврдија статусот на моментално најголем млад бенд во регионот, после неколку фестивалски настапи во Скопје и низ Македонија, српското електро - рок дуо Буч Кесиди конечно доаѓа и во Скопје со голем соло концерт на отворено!
Гласна музика, џускање, еуфорија, светкави костими и заразни битови - со спојот на инди - рок и синт - поп како своевидна друштвена хроника на љубовниот живот на младите и адолесцентите, во 2019та година Буч Кесиди го освојуваат регионот и ги воспоставуваат сингловите ,,Нема љубави у клубу” и ,,Недеља ујутру” како химни на една цела генерација на млади во регионот. Останатото е историја.
Буч Кесиди се единствениот млад бенд кој успешно ги спои ,,андерграундот" и комерцијалното, со што станаа еден од најпотентните бендови во регионот.
Влезниците ќе бидат во продажба од петок (17ти мај) во 09 часот наутро онлајн на ticketx.mk и во продажната мрежа на ticketx низ Македонија по следните цени и категории:
Партер - 700 денари&nbsp;
Фан пит - 900 денари&nbsp;
Ваша,
АП

BUČ KESIDI - 05.07.2024

Македонска Филхармонија

ГОЛЕМИТЕ МАЈСТОРИ НА ГИТАРАТА, СВЕТСКИТЕ УМЕТНИЦИ ВЛАТКО СТЕФАНОВСКИ И МИРОСЛАВ ТАДИЌ ПОСЛЕ ДОЛГО ВРЕМЕ ВО СКОПЈЕ, А ЗА ПРВ ПАТ ВО АМБИЕНТОТ НА МАКЕДОНСКА ФИЛХАРМОНИЈА!
20 ГОДИНИ ,,ТРЕТА МАЈКА"
1 ЈУНИ
20:30&nbsp;
20 години подоцна, кругот повторно се затвора.
Едно од нашите највредни албумски изданија е секако, албумот ,,Трета мајка".
Оваа година, ,,Трета мајка" го објавивме на винил, а следниот чекор беше очекуван: многумина веќе ни пишаа и интересот за оваа најава постои уште пред нејзиното официјализирање денес.
Со голема доза на задоволство ви најавуваме дека Влатко Стефановски и Мирослав Тадиќ ќе го свират ,,Трета Мајка" и, се разбира, ,,Крушево" во живо во Скопје, на 1ви јуни во Македонска филхармонија, со почеток од 20:30 часот.
Тоа ќе биде впрочем и нивен прв настап во Македонска филхармонија, додека во Скопје одамна немаат свирено заедно.
Влезниците ќе бидат пуштени во продажба од утре (вторник - 9ти април) во 09 наутро онлајн на ticketx и во продажната мрежа на ticketx низ Македонија по цена од:
1.500 денари и&nbsp;
1.990 денари
Се очекува да работат брзи прсти...
Ваша,
Авалон Продукција

ВЛАТКО СТЕФАНОВСКИ И МИРОСЛАВ ТАДИЌ - 01.06.2024

ВЛАТКО СТЕФАНОВСКИ И МИРОСЛАВ ТАДИЌ НА БИС ПРЕД МАКЕДОНСКАТА ПУБЛИКА!
ВТОР КОНЦЕРТ НА 2РИ ЈУНИ,
МАКЕДОНСКА ФИЛХАРМОНИЈА
20:30 ЧАСОТ
Драги наши,
После распродавањето на првиот концерт на Влатко Стефановски и Мирослав Тадиќ по повод 20 години од издавањето на aлбумот ,,Трета мајка”, закажуваме и втор концерт за сите оние кои не успеаја да набават влезници, и тоа на 2ри јуни, во Македонска филхармонија со почеток од 20:30 часот!
На 1ви и 2ри јуни, македонската публика ќе има ексклузивна шанса после навистина долго време, во интимна атмосфера како онаа на Македонска филхармонија да ужива во изведбата на албумот ,,Трета мајка", ,,Крушево" и сето останато што го имаат подготвено големите мајстори на гитарата, Влатко Стефановски и Мирослав Тадиќ!
Воедно, ексклузивно во Македонска филхармонија, на 1ви и 2ри јуни ќе имате и ексклузивна шанса да си го купите својот примерок од изданието ,,Трета мајка" на винил, потпишано од страна на Влатко Стефановски и Мирослав Тадиќ!
Влезниците за вториот концерт ќе бидат пуштени во продажба од среда (15ти мај) во 09 наутро онлајн на ticketx и во продажната мрежа на ticketx низ Македонија по цена од:
1.500 денари и
1.990 денари.
Бидете брзи во среда наутро…
Ваша,
АП

ВЛАТКО СТЕФАНОВСКИ И МИРОСЛАВ ТАДИЌ - 02.06.2024

ВЛАТКО СТЕФАНОВСКИ И МИРОСЛАВ ТАДИЌ

Стадион Билјанини Извори, Охрид

BREAKING NEWS: МАКЕДОНИЈА ПОВТОРНО СВЕТ, А ОХРИД НАЈУБАВОТО МЕСТО ВО НЕГО!
LENNY KRAVITZ СЕ ВРАЌА ВО ОХРИД ЗА ИЛИНДЕНСКИТЕ ПРАЗНИЦИ!
4 - ТИ АВГУСТ
СРЦ БИЛЈАНИНИ ИЗВОРИ
Кога се концертите во прашање, во Македонија постои една легенда која многу брзо прерасна во урбан мит.
А, тоа е: ,,Имало кај нас концерти, ама ниту еден не бил ни приближно добар како оној на Lenny на стадион во Охрид".
Добро, да - имаше нешто необјасниво таа вечер во воздухот и на сцена, а поготово во публика.
Никој никогаш и никаде не може да ,,намести" специјална вечер, кога се концертите во прашање.
Тоа се случува ретко и само од себе.
Па, за сите оние кои беа тогаш присутни, за оние кои слушале, за оние кои тогаш биле деца и во меѓувреме пораснале и го засакале, решивме да го вратиме Lenny Kravitz во Охрид, на истото место и скоро во истото време, за Илинденските празници, на 4 - ти август.
Впрочем, митовите затоа и постојат - за да се рушат со нови, уште поголеми митови.
Lenny е секогаш Lenny: A класа светски артист чии концерти се највозбудливото искуство кое може да го приреди live индустријата денес. Но, овој пат доаѓа поголем од било кога до сега, како дел од европската турнеја "Blue Electric Lights 2024", во која претежно ќе биде хедлајнер на многу светски, големи фестивали, како и неколку соло концерти, во кои спаѓа токму и охридскиот.
Lenny во моментов е номиниран за член на
"Rock and Roll Hall of Fame", а неговиот нов албум со наслов "Blue Electric Lights" излегува на 24ти мај.
И, за крај... да, Lenny сакаше да се врати во Охрид.
Рутата се направи специјално така за да овој пат се исполни и вашата, и нашата и неговата желба.
Влезниците ќе бидат во продажба од среда (17ти април) во 09 часот наутро онлајн на ticketx.mk, во продажната мрежа на ticketx низ Македонија и во неколку алтернативни продажни места во Охрид по следниве цени и категории:
Партер - 1.990 денари
Фан пит - 3.000 денари (само 2.000 влезници)
Трибини - 3.000 денари (нумерирани седишта)
УЛТРА ВИП - 6.000 денари
Се гледаме на 4ти август на СРЦ Билјанини Извори!
AP Team

LENNY KRAVITZ - 04.08.2024

LENNY KRAVITZ

OUT OF THE BLUE:
HER MAJESTY GRACE JONES ГО НОСИ СВОЕТО СПЕКТАКУЛАРНО LIVE SHOW ВО МАКЕДОНИЈА!
6 ЈУЛИ 2024
АРМ СТАДИОН
SKOPJE CALLING 2024
Веројатно не постои светски артист на оваа планета (освен, се разбира, David Bowie) кој може толку аргументирано да изнесе толку многу различни и заслужени епитети како Grace Jones, една од најреволуционерните и најзначајни музички и уметнички појави на светот на сите времиња.
Некои од нив се: " Musical mastermind", "Amazing Grace, "Timeless", "Art aristocrat", "True diva", "Goddess of Rhythm", "Pop culture icon", "Fashion Icon" "Vamp Woman"... а покрај сето тоа, таа е и Super Model и Movie Star.&nbsp;
Но, она што е најважно во моментов за нас е дека, пред се', Grace Jones е "Master of stage". Во тоа ќе се убедиме самите во Скопје.
И, да бидеме искрени, Grace како никогаш да не припаѓала на оваа планета.
Како да се објасни на друг начин нејзиниот изглед и она што и ден денес го прави на сцена?
Фотографиите долу се од нејзиниот хедлајнерски настап на фестивалот во Hammerstein Ballroom, лето 2023.
Како да се објасни и ден денес светското чудо од албум "Nightclubbing"?
Пуштете го и слушнете го.
Тој и денес, во секој музички сегмент е еден век пред време.
И секогаш ќе биде... во било кое време.
Од друга страна, еднаш некој рече ,,не е работата што Grace Jones е пред Madonna, Lady Gaga, Rihanna и Beyonce, работата е што таа се' уште е сите три во едно".
Драги наши, сите заедно ќе имаме можност, Grace Jones, заедно со нејзиниот многуброен бенд и спектакуларно 90 минутни show, да ја видиме овде, кај нас дома.
И да ја вратиме Македонија таму каде што токму ние ја поставивме и многу љубоморно ја чуваме од 2001 година:
на листата земји каде сепак се случува нешто убаво и по светски стандарди - во реалноста, а не само вербално и имагинарно.
Сите информации околу влезниците ќе бидат објавени утре (30ти јануари - вторник) на нашите социјални мрежи.
Спремете се за full Grace Jones experience!
Ваша,
Авалон Продукција

GRACE JONES - 06.07.2024

СЦ Јане Сандански

ПАРНИ ВАЉАК ВО СКОПЈЕ!
18ТИ МАЈ
СЦ ЈАНЕ САНДАНСКИ
21 ЧАСОТ
Фреди Меркјури и нашиот Аки Рахимовски имаат многу заеднички особини, но една е посебно изразена.
А, тоа е, дека и двајцата беа суверени владатели како на сцената, така и со публиката.
Фреди Меркјури ја отпеа ,,The Show Must go On”, а сите ние знаеме дека секогаш истото го мислеше и до последен здив така и живееше и нашиот Аки.
Парни Ваљак продолжи понатаму со нов пејач, гордо и квалитетно, онака како што и изгледа од своите први денови на почетокот на кариерата... и Авалон одлучи дека едноставно дојде време Парни Ваљак повторно да свири во Скопје.
Големиот настан ќе се одржи на 18ти мај во салата Јане Сандански, каде што во изминативе неколку месеци имавме навистина незаборавни концерти на Џибони и Бајага &amp; Инструктори.
За скопскиот концерт на Парни Ваљак своја изјава даде и лидерот на бендот, Хус, кој заедно со Парни Ваљак оваа година ќе ја добие најпрестижната можна награда за музика во Хрватска - ПОРИН за животно дело:
,,Наша голема желба, а уште поголема одговорност е во Скопје, во градот на Аки, да отсвириме концерт, кој нашата одлука да продолжиме понатаму ќе направи да биде оправдана.
Се разбира дека, во приказната за Парни Ваљак, Аки е неизоставен дел и тој секогаш ќе биде во нашите срца.”
Откако постои музичката индустрија на овие простори, Парни Ваљак е можеби единствениот музички бренд кој во сите сегменти работи на начин и на ниво на било кој врвен светски бенд, и големо задоволство ни е да му овозможиме на Скопје и Македонија повторно да бидат сведоци на тоа.
Влезниците ќе бидат пуштени во продажба од среда (6 март) во 09 часот наутро онлајн на ticketx.mk и во продажната мрежа на ticketx низ Македонија по следниве цени и категории:
Партер - 700 денари&nbsp;
Фан пит - 1.000 денари&nbsp;
Silver seats - 1.2000 денари
Golden seats - 1.500 денари
VIP - 2.000 денари
“The Show Must go On”, и тоа на најјако и најквалитетно можно.
Ваша,
Авалон Продукција

ПАРНИ ВАЉАК - 30.11.2024

ОД УТРЕ ВО ПРОДАЖБА ВЛЕЗНИЦИТЕ ЗА ЕКСКЛУЗИВНИОТ ЈУБИЛЕЕН КОНЦЕРТ НА POSTMODERN JUKEBOX ВО МАКЕДОНСКА ФИЛХАРМОНИЈА!
"THE 10 TOUR"
6ТИ СЕПТЕМВРИ
МАКЕДОНСКА ФИЛХАРМОНИЈА
21 ЧАСОТ
Драги наши,
Ве информираме дека утре (понеделник - 15ти април) во 09 часот наутро започнува продажбата на влезници за ексклузивниот концерт на најголемиот забавувачки музички колектив, Postmodern Jukebox, закажан на 6ти септември во Македонска филхармонија!&nbsp;
Влезниците ќе бидат во продажба онлајн на ticketx.mk и во продажната мрежа на ticketx низ Македонија по цена од 2.000 денари.
На 6ти септември може да очекувате инспиративно и екстравагантно патување низ универзумот на POSTMODERN JUKEBOX, на кое најголемите светски поп хитови, во винтиџ стилот на 1920тите и врвно свинг кабаре ќе може да се слушнат во изведба на некои од најдобрите светски изведувачи, танчери и инструменталисти… или, на кратко кажано, нешто во стилот на ,,Големиот Гетсби” во комбинација со Френк Синатра и филмот ,,Назад во иднината”.
Бидете брзи утре наутро...&nbsp;
АП

BUČ KESIDI - 05.07.2024

BUČ KESIDI - 05.07.2024

BUČ KESIDI - 05.07.2024

ВЛАТКО СТЕФАНОВСКИ И МИРОСЛАВ ТАДИЌ

ВЛАТКО СТЕФАНОВСКИ И МИРОСЛАВ ТАДИЌ - 01.06.2024

ВЛАТКО СТЕФАНОВСКИ И МИРОСЛАВ ТАДИЌ - 02.06.2024

LENNY KRAVITZ

LENNY KRAVITZ - 04.08.2024

Концерти

GRACE JONES - 06.07.2024

ПАРНИ ВАЉАК - 30.11.2024

POSTMODERN JUKEBOX - 06.09.2024

BUČ KESIDI - 05.07.2024