НУЦК Антон Панов

,,1 - ВИ МАРТ" ВО СТРУМИЦА Е НА 17 - ТИ МАЈ!
КАРОЛИНА - GREATEST HITS
17 - ТИ МАЈ
НУЦК ,,АНТОН ПАНОВ", СТРУМИЦА
Драги наши,
Со големо заводолство ви најавуваме дека, во склоп на проектот ,,Први март", Каролина ќе одржи концерт оваа пролет и во Струмица, на 17ти мај во НУЦК ,,Антон Панов".
После распродадените концерти во Скопје, Гевгелија, Крива Паланка, Куманово, Охрид и Велес, Каролина доаѓа во Струмица на 17ти мај со својата "greatest hits" програма и најубави песни, во интимниот амбиент на театар ,,Антон Панов"!
Влезниците ќе бидат во продажба од 22ри април (понеделник) во 09 часот наутро онлајн на ticketx.mk, продажната мрежа на ticketx низ Македонија и билетарницата на театарот по цена од 1.000 денари.
ВАЖНО: Ќе се одржи само еден ексклузивен концерт.

КАРОЛИНА - 17.05.2024

Стадион Билјанини Извори, Охрид

BREAKING NEWS: МАКЕДОНИЈА ПОВТОРНО СВЕТ, А ОХРИД НАЈУБАВОТО МЕСТО ВО НЕГО!
LENNY KRAVITZ СЕ ВРАЌА ВО ОХРИД ЗА ИЛИНДЕНСКИТЕ ПРАЗНИЦИ!
4 - ТИ АВГУСТ
СРЦ БИЛЈАНИНИ ИЗВОРИ
Кога се концертите во прашање, во Македонија постои една легенда која многу брзо прерасна во урбан мит.
А, тоа е: ,,Имало кај нас концерти, ама ниту еден не бил ни приближно добар како оној на Lenny на стадион во Охрид".
Добро, да - имаше нешто необјасниво таа вечер во воздухот и на сцена, а поготово во публика.
Никој никогаш и никаде не може да ,,намести" специјална вечер, кога се концертите во прашање.
Тоа се случува ретко и само од себе.
Па, за сите оние кои беа тогаш присутни, за оние кои слушале, за оние кои тогаш биле деца и во меѓувреме пораснале и го засакале, решивме да го вратиме Lenny Kravitz во Охрид, на истото место и скоро во истото време, за Илинденските празници, на 4 - ти август.
Впрочем, митовите затоа и постојат - за да се рушат со нови, уште поголеми митови.
Lenny е секогаш Lenny: A класа светски артист чии концерти се највозбудливото искуство кое може да го приреди live индустријата денес. Но, овој пат доаѓа поголем од било кога до сега, како дел од европската турнеја "Blue Electric Lights 2024", во која претежно ќе биде хедлајнер на многу светски, големи фестивали, како и неколку соло концерти, во кои спаѓа токму и охридскиот.
Lenny во моментов е номиниран за член на
"Rock and Roll Hall of Fame", а неговиот нов албум со наслов "Blue Electric Lights" излегува на 24ти мај.
И, за крај... да, Lenny сакаше да се врати во Охрид.
Рутата се направи специјално така за да овој пат се исполни и вашата, и нашата и неговата желба.
Влезниците ќе бидат во продажба од среда (17ти април) во 09 часот наутро онлајн на ticketx.mk, во продажната мрежа на ticketx низ Македонија и во неколку алтернативни продажни места во Охрид по следниве цени и категории:
Партер - 1.990 денари
Фан пит - 3.000 денари (само 2.000 влезници)
Трибини - 3.000 денари (нумерирани седишта)
УЛТРА ВИП - 6.000 денари
Се гледаме на 4ти август на СРЦ Билјанини Извори!
AP Team

LENNY KRAVITZ - 04.08.2024

LENNY KRAVITZ

Театар Ј. Х. К. Џинот - Велес

ЕКСКЛУЗИВЕН КОНЦЕРТ НА КАРОЛИНА ВО НАРОДНИОТ ТЕАТАР ,,ЈОРДАН Х.К. - ЏИНОТ" ВО ВЕЛЕС!
27МИ АПРИЛ
21 ЧАСОТ
Драги наши,
Со големо задоволство ви најавуваме дека, во склоп на концертите по повод ,,Први Март" во Македонија, Каролина ќе одржи ексклузивен концерт на 27ми април во Велес, во Народниот театар ,,Јордан Х.К. Џинот"!
После распродадените концерти во март во Скопје, Гевгелија, Струмица и Крива Паланка и претстојните концерти овој викенд во Куманово и Охрид, Каролина доаѓа во Велес на 27ми април со својата "greatest hits" програма и најубави песни, во интимниот амбиент на Народниот театар ,,Јордан Х.К. Џинот"!
Влезниците ќе бидат во продажба од 12ти април (петок) онлајн на ticketx.mk, продажната мрежа на ticketx низ Македонија и билетарницата на театрот по цена од 1.200 денари.
ВАЖНО: Станува збор за театар со мал капацитет, па наш совет е да бидете брзи во петок наутро.
Ваша,
Авалон Продукција

КАРОЛИНА - 27.04.2024

КАРОЛИНА ГОЧЕВА

Стадион АРМ

OUT OF THE BLUE:
HER MAJESTY GRACE JONES ГО НОСИ СВОЕТО СПЕКТАКУЛАРНО LIVE SHOW ВО МАКЕДОНИЈА!
6 ЈУЛИ 2024
АРМ СТАДИОН
SKOPJE CALLING 2024
Веројатно не постои светски артист на оваа планета (освен, се разбира, David Bowie) кој може толку аргументирано да изнесе толку многу различни и заслужени епитети како Grace Jones, една од најреволуционерните и најзначајни музички и уметнички појави на светот на сите времиња.
Некои од нив се: " Musical mastermind", "Amazing Grace, "Timeless", "Art aristocrat", "True diva", "Goddess of Rhythm", "Pop culture icon", "Fashion Icon" "Vamp Woman"... а покрај сето тоа, таа е и Super Model и Movie Star.&nbsp;
Но, она што е најважно во моментов за нас е дека, пред се', Grace Jones е "Master of stage". Во тоа ќе се убедиме самите во Скопје.
И, да бидеме искрени, Grace како никогаш да не припаѓала на оваа планета.
Како да се објасни на друг начин нејзиниот изглед и она што и ден денес го прави на сцена?
Фотографиите долу се од нејзиниот хедлајнерски настап на фестивалот во Hammerstein Ballroom, лето 2023.
Како да се објасни и ден денес светското чудо од албум "Nightclubbing"?
Пуштете го и слушнете го.
Тој и денес, во секој музички сегмент е еден век пред време.
И секогаш ќе биде... во било кое време.
Од друга страна, еднаш некој рече ,,не е работата што Grace Jones е пред Madonna, Lady Gaga, Rihanna и Beyonce, работата е што таа се' уште е сите три во едно".
Драги наши, сите заедно ќе имаме можност, Grace Jones, заедно со нејзиниот многуброен бенд и спектакуларно 90 минутни show, да ја видиме овде, кај нас дома.
И да ја вратиме Македонија таму каде што токму ние ја поставивме и многу љубоморно ја чуваме од 2001 година:
на листата земји каде сепак се случува нешто убаво и по светски стандарди - во реалноста, а не само вербално и имагинарно.
Сите информации околу влезниците ќе бидат објавени утре (30ти јануари - вторник) на нашите социјални мрежи.
Спремете се за full Grace Jones experience!
Ваша,
Авалон Продукција

GRACE JONES - 06.07.2024

СЦ Јане Сандански

ПАРНИ ВАЉАК ВО СКОПЈЕ!
18ТИ МАЈ
СЦ ЈАНЕ САНДАНСКИ
21 ЧАСОТ
Фреди Меркјури и нашиот Аки Рахимовски имаат многу заеднички особини, но една е посебно изразена.
А, тоа е, дека и двајцата беа суверени владатели како на сцената, така и со публиката.
Фреди Меркјури ја отпеа ,,The Show Must go On”, а сите ние знаеме дека секогаш истото го мислеше и до последен здив така и живееше и нашиот Аки.
Парни Ваљак продолжи понатаму со нов пејач, гордо и квалитетно, онака како што и изгледа од своите први денови на почетокот на кариерата... и Авалон одлучи дека едноставно дојде време Парни Ваљак повторно да свири во Скопје.
Големиот настан ќе се одржи на 18ти мај во салата Јане Сандански, каде што во изминативе неколку месеци имавме навистина незаборавни концерти на Џибони и Бајага &amp; Инструктори.
За скопскиот концерт на Парни Ваљак своја изјава даде и лидерот на бендот, Хус, кој заедно со Парни Ваљак оваа година ќе ја добие најпрестижната можна награда за музика во Хрватска - ПОРИН за животно дело:
,,Наша голема желба, а уште поголема одговорност е во Скопје, во градот на Аки, да отсвириме концерт, кој нашата одлука да продолжиме понатаму ќе направи да биде оправдана.
Се разбира дека, во приказната за Парни Ваљак, Аки е неизоставен дел и тој секогаш ќе биде во нашите срца.”
Откако постои музичката индустрија на овие простори, Парни Ваљак е можеби единствениот музички бренд кој во сите сегменти работи на начин и на ниво на било кој врвен светски бенд, и големо задоволство ни е да му овозможиме на Скопје и Македонија повторно да бидат сведоци на тоа.
Влезниците ќе бидат пуштени во продажба од среда (6 март) во 09 часот наутро онлајн на ticketx.mk и во продажната мрежа на ticketx низ Македонија по следниве цени и категории:
Партер - 700 денари&nbsp;
Фан пит - 1.000 денари&nbsp;
Silver seats - 1.2000 денари
Golden seats - 1.500 денари
VIP - 2.000 денари
“The Show Must go On”, и тоа на најјако и најквалитетно можно.
Ваша,
Авалон Продукција

ПАРНИ ВАЉАК - 18.05.2024

Club Pure

ВРЕМЕ Е ЗА ПРВОКЛАСНА САБОТНА ФРКА ВО СКОПЈЕ!
NIPPLEPEOPLE ВО PURE CLUB НА 20ТИ АПРИЛ!
22 ЧАСОТ
После двата распродадени концерти на Каролина, Авалон ви најавува уште еден убав настан во клубот ,,Pure" - концерт на електро - поп атракцијата Nipplepeople!
Како еден од најатрактивните актуелни live изведувачи во моментов, Nipplepeople имаат своја голема фан база во Македонија и клубот ,,Pure" е вистинското место за нивен соло концерт во Скопје после неколку фестивалски настапи.
Влезниците ќе бидат во продажба од четврток (4ти април) во 09 часот наутро онлајн на ticketx.mk и во продажната мрежа на ticketx низ Македонија по цена од 900 денари.
Ваша,
Авалон Продукција

NIPPLEPEOPLE - 20.04.2024

Лабараториум

КОНЦЕРТ ВО СКОПЈЕ

26ти АПРИЛ
20:00h
ЛАБОРАТОРИУМ

“После една година од издавањето на нашиот албум “Никогаш Пак”, со возбуда ви го најавуваме нашиот следен самостоен концерт во Скопје, во салата на Лабораториум.”

По минатите два распродени концерти во МКЦ Денсинг и  Кино Фросина, впечатлива летна турнеја со околу 20 концерти низ Македонија, Балканот и Европа – Фанк Шуи ветуваат незаборавно музичко искуство на 26ти април, на новата сцена на Културнo-едукативниот Центар Лабораториум.

Билети за концертот во претпродажба од УТРЕ (05.04) во 10 ЧАСОТ НАУТРО, на www.ticketx.mk, како и во ЛАБ Кафе.

Првите 100 билети - по цена од 500 ден,
Останатите - 600 ден,
На денот на концертот - 800ден.

На концертот ќе се продава merch во лимитиран тираж.&nbsp;

Поддржано од Комерцијална Банка и Божиновски.

FUNK SHUI - 26.04.2024

Македонска Филхармонија

ГОЛЕМИТЕ МАЈСТОРИ НА ГИТАРАТА, СВЕТСКИТЕ УМЕТНИЦИ ВЛАТКО СТЕФАНОВСКИ И МИРОСЛАВ ТАДИЌ ПОСЛЕ ДОЛГО ВРЕМЕ ВО СКОПЈЕ, А ЗА ПРВ ПАТ ВО АМБИЕНТОТ НА МАКЕДОНСКА ФИЛХАРМОНИЈА!
20 ГОДИНИ ,,ТРЕТА МАЈКА"
1 ЈУНИ
20:30&nbsp;
20 години подоцна, кругот повторно се затвора.
Едно од нашите највредни албумски изданија е секако, албумот ,,Трета мајка".
Оваа година, ,,Трета мајка" го објавивме на винил, а следниот чекор беше очекуван: многумина веќе ни пишаа и интересот за оваа најава постои уште пред нејзиното официјализирање денес.
Со голема доза на задоволство ви најавуваме дека Влатко Стефановски и Мирослав Тадиќ ќе го свират ,,Трета Мајка" и, се разбира, ,,Крушево" во живо во Скопје, на 1ви јуни во Македонска филхармонија, со почеток од 20:30 часот.
Тоа ќе биде впрочем и нивен прв настап во Македонска филхармонија, додека во Скопје одамна немаат свирено заедно.
Влезниците ќе бидат пуштени во продажба од утре (вторник - 9ти април) во 09 наутро онлајн на ticketx и во продажната мрежа на ticketx низ Македонија по цена од:
1.500 денари и&nbsp;
1.990 денари
Се очекува да работат брзи прсти...
Ваша,
Авалон Продукција

ВЛАТКО СТЕФАНОВСКИ И МИРОСЛАВ ТАДИЌ - 01.06.2024

Екотип ви го претставува ултимативниот концерт ‘’Мизар и Хармосини - Гласови!’’&nbsp;
На сцената на Националната филхармонија на 12-и мај 2024 год. во 20 часот ќе се случи&nbsp;
магична ода кон една од најголемите и најзначајните македонски групи - Мизар.&nbsp;
17 најдобри македонски музичари-инструменталисти предводени од Горазд Чаповски,&nbsp;
хорот Хармосини и аранжерот и диригент Дени Омерагиќ ќе ви ги донесат&nbsp;
безвременските: 1762, Амфилохиј, Сина соба, Дождот, Глас, Почесна стрелба,&nbsp;
Константинопол, Бело море, Градот е нем, Ходен Же, Златно сонце, Галеб...и ред други&nbsp;
песни во овој епски концерт на Мизар, еден од бедемите на македонската музика, култура&nbsp;
и национален идентитет!&nbsp;
Билетите се во продажба од петок на пладне 12.04.2024 на https://ticketx.mk/&nbsp;
&nbsp;
Сите информации околу концертот и резервации на билети побарајте на 078 520552

МИЗАР - 12.05.2024

Public Room

По концертот во Македонската Филхармонија, проектот на Никола Мицевски “New Era” ќе можете да го видите и во малку поинтимно издание во Public Room на 18ти Мај.
Проектот “NEW ERA” претставува симбиоза на различни жанрови, едно филмско начело фузирано со етно, рок и електро основи во служба на пијаното и солистички инструменти.
Овој пат покрај Никола Мицевски и пријателите ќе има и неколку гости како изненадување.
Влезниците чинат 400 денари и можете да ги набавите на страната на www.ticketx.mk

НИКОЛА МИЦЕВСКИ - 18.05.2024

ОД УТРЕ ВО ПРОДАЖБА ВЛЕЗНИЦИТЕ ЗА ЕКСКЛУЗИВНИОТ ЈУБИЛЕЕН КОНЦЕРТ НА POSTMODERN JUKEBOX ВО МАКЕДОНСКА ФИЛХАРМОНИЈА!
"THE 10 TOUR"
6ТИ СЕПТЕМВРИ
МАКЕДОНСКА ФИЛХАРМОНИЈА
21 ЧАСОТ
Драги наши,
Ве информираме дека утре (понеделник - 15ти април) во 09 часот наутро започнува продажбата на влезници за ексклузивниот концерт на најголемиот забавувачки музички колектив, Postmodern Jukebox, закажан на 6ти септември во Македонска филхармонија!&nbsp;
Влезниците ќе бидат во продажба онлајн на ticketx.mk и во продажната мрежа на ticketx низ Македонија по цена од 2.000 денари.
На 6ти септември може да очекувате инспиративно и екстравагантно патување низ универзумот на POSTMODERN JUKEBOX, на кое најголемите светски поп хитови, во винтиџ стилот на 1920тите и врвно свинг кабаре ќе може да се слушнат во изведба на некои од најдобрите светски изведувачи, танчери и инструменталисти… или, на кратко кажано, нешто во стилот на ,,Големиот Гетсби” во комбинација со Френк Синатра и филмот ,,Назад во иднината”.
Бидете брзи утре наутро...&nbsp;
АП

POSTMODERN JUKEBOX - 06.09.2024

Концерти

Hotel Limak - Skopje

iOSKonf 2024 is scheduled to take place on the 14th and 15th of May 2024, at the luxurious Hotel Limak in Skopje, with a capacity to accommodate 200 participants. Over the course of two days, we will gather iOS enthusiasts from around the world to explore the latest trends, share insights, and foster connections within the vibrant iOS ecosystem.

Dive into the world of iOS app development with our 4-hour workshop! Perfect for beginners and developers looking to upskill, this workshop offers hands-on experience, Q&amp;A sessions, and networking opportunities. There will be limited seats available.

Link to our website: <a href="https://www.ioskonf.mk/" target="_blank">https://www.ioskonf.mk/</a>&nbsp;

КАРОЛИНА - 17.05.2024

КАРОЛИНА - 17.05.2024

КАРОЛИНА - 17.05.2024

LENNY KRAVITZ

LENNY KRAVITZ - 04.08.2024

КАРОЛИНА ГОЧЕВА

КАРОЛИНА - 27.04.2024